FEDERACION ESPAÑOLA DE MUNICIPIOS Y PROVINCIAS
Pedro Castro recibe o Presidente da Federación Arxentina de Municipios
O Presidente da FEMP, Pedro Castro, recibiu unha delegación de representantes locais arxentinos, encabezada por Julio César Pereyra, Intendente municipal de Florencio Varela e Presidente da Federación Arxentina de Municipios (FAM), en visita por España para coñecer as experiencias de implantación e desenvolvemento de parques tecnolóxicos no ámbito local.
Na reunión, celebrada no Concello de Getafe, ambos os dous Alcaldes intercambiaron impresións sobre o papel dos Gobernos Locais na promoción do crecemento económico, sobre a base do asentamento de novas empresas no territorio municipal cun alto grao de tecnoloxía.
Pedro Castro explicou ao seu colega arxentino a experiencia da localidade da que é Alcalde, con varios parques industriais e tecnolóxicos xa consolidados, e lle trasladou a importancia do acceso ao coñecemento como elemento "vital" para o desenvolvemento económico dun municipio. Ao respecto, apuntou que a "formación á carta" é unha das tarefas máis importantes que un Concello debe impulsar para conseguir atraer as empresas, que buscan traballadores cun alto grao de cualificación profesional.
A delegación arxentina estivo integrada, ademais de por Julio César Pereyra, por Carlos Kunkel, Deputado Nacional, Marcelo Fernández, Presidente da Confederación Xeral Empresaria (CGERA) e Sergio Pardo, Director do Instituto de Desenvolvemento Industrial de Florencio Varela.
