FEDERACION ESPAÑOLA DE MUNICIPIOS Y PROVINCIAS
Enpleguari Buruzko Sektoreko Konferentzia: 1.500 sustatzaile inbertsioa eta enplegu sorrera sustatzeko
Gaur egin da Lan Ministerioaren egoitzan Enpleguari Buruzko Sektoreko Konferentzia. Gobernuko, autonomia erkidegoetako eta Espainiako Probintzien eta Udalerrien Federazioko (FEMP) ordezkariak bertaratu dira, eta, besteak beste, honako gai hauek aztertu dituzte: Enplegu Agentzia Pribatuak Erregulatzeko Dekretua eta egingo den 1.500 enplegu-sustatzaileren hurrengo kontratazioa, inbertsioa eta enplegua sortzea sustatzeko zerga eta lan arloko jarduketei eta jarduketa liberalizatzaileei buruzko Errege Lege Dekretuak aurreikusten duenari jarriki.
Valeriano Gómez Lan ministroak sektoreko konferentziaren amaieran azpimarratu duenez Gobernuaren apustua da «langabezian igarotako denbora murriztuko duen enplegu politika aktibo biziago eta garrantzitsuagoa ezartzea autonomia erkidegoetan».
Gómezek aurreratu duenez, «urtarrilean sektoreko beste konferentzia bat egingo dugu, politika aktiboen rola aztertzeko eta enplegu politika aktiboaren arloko Agenda Sozial berriari azken ukituak emateko. Horrez gain, enplegu politikak datorren urtean autonomia erkidegoetan egin beharreko ekintzei bideratuko dizkien 7.500 milioi euroak banatuko ditugu».
«Politika aktiboen fondo erabilgarriak berrantolatu eta birbanatu egingo ditugu», esan du ministroak.
Valeriano Gómezek adierazi du politika aktiboek barnean hartzen dituztela, batetik, lana dutenen eta lanik gabe daudenen lanbide heziketa, bestetik, haiek enplegua eta prestakuntza uztartzen dituzten programetan kontratatzea, esaterako lantegi-eskoletan, eta azkenik, enpleguko zerbitzu publikoak eta udalak eta tokiko korporazioak lotzen dituzten hitzarmenak; eta, esan duenez «fondo kopuru handia dago, eta berriro banatu behar dira babes politikaren alorrean otsailaren 15era arte garatuko diren zerbitzuak ez beste batzuk eskaini ahal izateko; beste era batera esanda, PRODI izeneko babes programan bildutakoak ez diren beste zerbitzu batzuk».
