FEDERACION ESPAÑOLA DE MUNICIPIOS Y PROVINCIAS
Udaltzaingoko zerbitzuak landa-ingurunean
Autonomia-erkidego berean egonik mugakide diren udalerriak udaltzaingoko zerbitzuak izateko elkartu ahal izango dira, landa-eremuen garapena bultzatzeko eta biztanleei zerbitzu gehiago eskaintzeko. Hain zuzen ere, aukera hori jaso du lankidetza horren baldintzak zehazten dituen Ministro Aginduak.
FEMP federazioak aktiboki hartu du parte Ministro Agindu hori prestatzeko lanetan, Barne Ministerioarekin batera. Aipatutako Aginduak honako baldintza hauek ezarri ditu udalerrien lankidetzari dagokionez: udalerriak mugakideak eta autonomia-erkidego berekoak izatea; bakoitzak bere aldetik udaltzaingoko zerbitzuak eskaini ahal izateko nahikoa baliabiderik ez izatea, eta elkartutako udalerrien biztanle-kopurua gehienez ere 40.000koa izatea.
Testuak xedatutakoaren arabera, indarrean den ordenamendu juridikoak udaltzaingoari ezartzen dizkion oinarrizko jarduera printzipio, estatutu-araubide eta zeregin berberak izango dituzte udalerri horien zerbitzura arituko diren udaltzainek.
Agindu horren bidez, garapen iraunkorra sustatzen da landa-ingurunean, baliabide gutxi dituzten udalerriei zerbitzu publiko jakin bat emateko xedearekin elkartzeko aukera ematen dielako.
